फाइनल पुग्ने लक्ष्यका साथ नेपालले थाल्यो ब्याटिङ

काठमाडौं । नेपालले एसीसी महिला प्रिमियर कपको सेमिफाइनलमा आज आयोजक मलेसियासँग खेलिरहेको छ । मलेसियास्थित बायुएमास ओभलमा जारी खेलमा नेपालले टस जितेर पहिला ब्याटङ राजेको हो ।

नेपालको प्लेइङ ११ कविता कुँवर, सिता रानामगर, इन्दु वर्मा, रुविना क्षेत्री, अप्सरी बेगम, डली भट्ट, कविता जोशी, काजल श्रेष्ठ, विन्दु रावल, रोमा थापा, संगीता राई

नेपालले बुधबार सम्पन्न क्वाटरफाइनलमा कुवेतलाई ८ विकेटले पराजित गर्दै सेमिफाइनलमा आफ्नो स्थान सुरक्षित गरेको हो भने मलेसियाले बुधबारनै जापानलाई पराजित गर्दै सेमिफाइनलमा पुगेको हो ।

त्यस्तै आजै सम्पन्न पहिलो सेमिफाइनलमा युएईले थाइल्याण्डलाई ४ रनले पराजित गर्दै फाइनलमा पुगेको छ ।