पोल्याण्डलाई हराउँदै नेदरल्याण्ड्सको विजय सुरुवात

नेदरल्याण्ड्सले युइएफए युरो २०२४ मा विजयी सुरुवात गरेको छ। वैकल्पिक खेलाडीका रूपमा मैदान प्रवेश गरेका वाउट वेगहोर्स्टले पोल्याण्डविरुद्ध विजयी गोल गरेका हुन्।

समूह डी अन्तर्गतको नेदरल्याण्ड्सले पोल्याण्ड माथि २-१ को पुनरागमन जित दर्ता गरेको हो ।

खेलको १६औं मिनेटमा एडम बुक्साले हेडर मार्फत पोल्याण्डलाई अग्रता दिलाएका थिए । पिटर जिलिएन्स्कीको क्रसमा उनले हेडर प्रहार गरेका थिए ।

खेलको २९औं मिनेटमा नेदरल्याण्ड्सका लागि कोडी गाक्पोले बराबरी गोल गरे । बक्स बाहिरबाट उनले गरेको प्रहार पोल्याण्डका खेलाडीलाई लागेर गोलमा परिणत भएको थियो ।

नेदरल्याण्ड्सले दोस्रो गोल ८३ औं मिनेटमा गर्यो । नेथन आकेको क्रस पोल्याण्डका डिफेन्डरलाई लागेर उनको खुट्टामा पुगेपछि उनले गोल गर्न सफल भएका थिए ।

समूह सि अन्तर्गत स्लोभेनिया र डेनमार्क हाल एकअर्का विरुद्ध खेलिरहेका छन् भने इङ्ल्यान्ड र सर्बिया राती १२:४५ बजे भिड्ने छन्।