रामकृष्ण ढकालको ‘मायाको घर’ सार्वजनिक

काठमाडौँ । गायक रामकृष्ण ढकालको गीत ‘मायाको घर’ सार्वजनिक भएको छ ।

शुक्रवार काठमाडौंमा एक कार्यक्रमबीच गीतको म्युजिक भिडियो सार्वजनिक भएको हो । गीतमा ढकालसँगै आर्या वाणीको स्वर रहेको छ । कार्यक्रममा बोल्दै गायक रामकृष्ण ढकालले आफ्ना पुराना गीतहरू सुन्दै आएका सर्जकका लागि नयाँ किसिमको रहेको बताए । उनले गीत आफूहरूको तर्फबाट उत्कृष्ट बनाएको भन्दै दर्शकबाट पनि धेरै रुचाइने विश्वास जनाए ।

उनले भने ‘यो गीतमा अलि नयाँ छ, मेरा पुराना गीत सुन्दै आउनुभएका र नयाँ गीत सुन्न चाहनेहरूका लागि यो गीत मन पर्छ भन्ने लाग्छ । हामीले आफ्नो हिसाबले राम्रो गरेका छौँ । मुख्य कुरा दर्शकशहरुको हो ।’

गायक ढकालले दर्शकहरूको मायाकै कारण आज आफू रामकृष्ण ढकाल बनेको भन्दै अझै माया पाउने आशा व्यक्त गरे ।