सुन्धाराबाट ३८ लाख रुपैयाँसहित एक जना पक्राउ
मकालु खबर
२०८१ असार २६ गते
काठमाडौं । प्रहरीले स्रोत नखुलेको ३८ लाख रुपैयाँसहित एक जनालाई पक्राउ गरेको छ ।
पक्राउ पर्नेमा चितवनको भरतपुर महानगरपालिका–१५ गणेशटोलका ४८ वर्षीय माधव श्रेष्ठ रहेका छन् ।
आज अपरान्ह साढे १२ बजेको समयमा काठमाडौंको सुन्धारामा अवैध रुपमा शंकास्पद कारोबार भइरहेको सूचनापछि जिल्ला प्रहरी परिसर काठमाडौंको टोली त्यहाँ पुगेको थियो ।
सो क्रममा उनलाई नियन्त्रणमा लिइ खानतलासी गर्ने क्रममा उनको साथबाट ५ सय दरका ६ हजार थान र १ हजार दलका ८ सय थान रकम बरामद गरिएको जिल्ला प्रहरी परिसर काठमाडौंले जनाएको छ ।
त्यस्तै उनको साथबाट एउटा स्कुटर र मोबाइल बरामद गरिएको छ । उनीमाथि थप अनुसन्धान भइरहेको प्रहरीले जनाएको छ ।
मकालु खबर
२०८१ असार २६ गते
प्रतिक्रिया
सम्बन्धित