चुनावी र्यालीमा चलेको गोली ट्रम्पलाई लाग्यो (भिडिओ)
मकालु खबर २०८१ असार ३० गते
काठमाडौं । अमेरिकाको पेन्सिलभेनियामा चुनावी र्यालीमा गोली चल्दा पूर्वराष्ट्रपति डोनाल्ड ट्रम्प घाइते भएका छन् । शनिबार राति चुनावी र्याली चलिरहेका गोली चलेको हो ।
गोली लागेपछि ट्रम्प भुइँमा लडेका थिए । घटनास्थलको तस्वीरहरुमा ट्रम्पको काननेरबाट गालासम्म रगत बगेको देखिन्छ । उनलाई सुरक्षा टोलीले त्यहाँबाट अस्पताल पुर्याएका थिए ।
घटनामा र्यालीमा सहभागी एक जनाको मृत्यु भएको छ । बीबीसीका अनुसार गोली हान्ने व्यक्ति अमेरिकी सिक्रेट सर्भिसको कारबाहीमा मारिएका छन् ।
ओहायोका सिनेटर तथा रिपब्लिकन नेता जेडी भान्सले पत्रकारहरूसँगको कुराकानीमा ट्रम्पको अवस्था ठीक रहेको बताएका छन् ।
यस घटनाको राष्ट्रपति जो बाइडेनले निन्दा गरेका छन् । उनले हिंसात्मक घटनालाई स्थान नदिइने बताएका छन् । यस्तै, पूर्वराष्ट्रपति बाराक ओबामाले पनि घटनाको भर्त्सना गरेका छन् ।
मकालु खबर २०८१ असार ३० गते
प्रतिक्रिया
सम्बन्धित
