रिहा भएका रुसी नागरिकलाई पुटिनले विमानस्थलमा भेटे

एजेन्सी । रुसी राष्ट्रपति भ्लादिमिर पुटिनले पश्चिमी देशहरूसँग कैदी आदानप्रदानको एक भागको रूपमा रिहा भएका धेरै रूसी नागरिकहरूको फिर्ताको व्यक्तिगत रूपमा स्वागत गरेका छन् ।

रिहा गरिएका रुसीहरूलाई लिएर एउटा विशेष उडान मस्कोको भानुकोभो–२ एयरपोर्टमा अवतरण भएको थियो । जहाँ राष्ट्रपति रेजिमेन्टबाट रातो कार्पेट र गार्ड अफ अनरको पर्खाइमा थिए । विमानस्थलमा पुटिनले प्रत्येक व्यक्तिलाई हात मिलाएर वा अँगालो हालेर स्वागत गरे ।

स्वागत गर्नेहरूमध्ये जर्मनीले रिहा गरेका वादिम क्रासिकोभ पनि थिए । पुटिनसँगै आएका रुसी रक्षामन्त्री आन्द्रेई बेलोसोभ र संघीय सुरक्षा सेवाका निर्देशक अलेक्ज्याण्डर बोर्टनिकोभले पनि फर्किएका रुसीहरूलाई अभिवादन गरेका थिए । पुटिनले विमानस्थलमा छोटो मन्तव्य दिए । रिहा भएका रुसीहरूको वफादारीको लागि कृतज्ञता व्यक्त गर्दै उनीहरूलाई फिर्ताको लागि बधाई दिए ।