घरेलु मैदानमा यसपटक भारतलाई हराउन सकेनौँ भने फेरि सक्दैनौँ-मुख्य प्रशिक्षक भट्ट

काभा महिला भलिबल नेसन्स लिगको फाइनलमाभारतलाई हराउँदै उपाधि जित्ने मौकालाई सदुपयोग गर्ने मुख्य प्रशिक्षक जगदिस भट्टले बताएका छन्।

मंगलबार इरानलाई हराउँदै उपाधि भिडन्त पक्का गरेपछि उनले यस पटक घरेलु मैदानमा भारतलाई हराउँदै उपाधि जित्ने राम्रो अवसर रहेको बताए।

भट्टले नेपाली समर्थक र घरेलु मैदानको साथले नेपालले राम्रो नतिजा ल्याउन सफल भएको बताए।

समूह चरणमा भारतविरुद्धको खेल ५ सेटमा पुगेको र इरानविरुद्ध पनि पाँच सेटमा पुग्दा हारिएको बताए। तर इरानविरुद्ध पहिलो खेलमा गरेका गल्ती सुधार गर्दै सेमिफाइनलमा नतिजा आफ्नो पक्षमा पार्न सकेको उनको भनाई छ।

आजको खेलमा जित हात पार्न नसकेको भए नेपालले यस्तो मौकाका लागि लामो समय हुर्नु पर्ने र त्यो कहिल्यै कमब्याक गर्न नसक्ने हुन सक्ने पनि बताए। खेलाडीलाई यही भनेर उत्साह भरेको उनको भनाई छ।