नागा चैतन्यले प्रेमिका शोभिता धुलिपालासंग गरे इन्गेजमेन्ट (तस्बिरहरू)
मकालु खबर
काठमाडौँ । दक्षिण भारतीय अभिनेता नागा चैतन्यले आफ्ना प्रेमिका शोभिता धुलिपालासंग इन्गेजमेन्ट गरेका छन् ।
उनीहरूले बिहीबार नजिकका साथीभाइ र परिवारबीच एकअर्कालाई औँठी लगाइदिएर इन्गेजमेन्ट गरेका हुन् । यसअघि उनीहरूले आफ्नो सम्बन्धलाई कन्फर्म गरेका थिएनन् । आजदेखि उनीहरूले आफ्नो सम्बन्धलाई सार्वजनिक गरेका छन् ।
सामंथा रुथ प्रभु संग डिभोर्स भएको ३ वर्षपछि नागा चैतन्यले दोस्रो विवाहका लागि पहिलो कदम अघि बढाएका हुन् ।
शोभिता धुलिपाला र नागा चैतन्य सन् २०२२ मा पहिलोपटक एकसाथ देखिएका थिए । त्यसबेला देखिनै उनीहरू सम्बन्धमा रहेको चर्चा थियो । तर पहिलो डिभोर्सपछि नागा चैतन्यले आफ्नो सम्बन्धबारे केही कुरा खुलाएका थिएनन् ।
तर नागार्जुनले सामाजिक सञ्जालमा नागा चैतन्य र शोभिता धुलिपालाको इन्गेजमेन्टको फोटो सार्वजनिक गर्दै उनीहरूको सम्बन्धलाई औपचारिक गरिदिएका हुन् ।
हेर्नुहोस् तस्बिरहरू :
मकालु खबर
