ब्राजिलमा विमान दुर्घटना हुँदा ६१ जनाको मृत्यु

काठमाडौं । ब्राजिलको साओ पाउलोमा विमान दुर्घटना हुँदा ६१ जनाको मृत्यु भएको छ । ब्राजिलको दक्षिणी राज्य परानाको कास्काभेलबाट साओ पाउलो सहरका लागि उडेको भोएपास एयरलाइन्सको विमान दुर्घटना हुँदा ५७ यात्रु र ४ चालक दलका सदस्य मृत्यु भएको हो ।

बीबीसीकाअनुसार विमान आवासीय भवनको कम्पाउन्डमा जहाज खसेको थियो । तर स्थानीय पनि कोही घाइते नभएको रिपोर्ट आइरहेका छन् । सामाजिक सञ्जालमा पोष्ट गरिएका भिडियो फुटेजमा विमान घुमिरहेको र सिधै तल खसेको देखिन्छ ।

ब्राजिलका राष्ट्रपति लुला दा सिल्भाले यस दुःखद घटनाप्रति दुःख व्यक्त गर्दै पीडितका परिवारप्रति समवेदना प्रकट गरेका छन् । विमान दुर्घटना के कारणले भएको हो खुलेको छैन ।