कीर्तिमान बनाएको सुनको मूल्यमा गिरावट

काठमाडौं । नेपाली बजारमा मंगलबार नयाँ कीर्तिमान बनाएको सुनको मूल्य आज भने घटेको छ । आज (बुधबार) तोलामा ३ सय रुपैयाँ घटेको हो ।

आज सुनको मूल्य तोलामा १ लाख ५० हजार ५०० रुपैयाँ कायम भएको नेपाल सुनचाँदी व्यवसायी महासंघले उल्लेख गरेको छ । अघिल्लो कारोबार दिन सुनको मूल्य तोलाको १ लाख ५० हजार ८ सय रुपैयाँ थियो ।

चाँदीको मूल्य तोलाको १ हजार ७ सय ३५ रुपैयाँमा कायम भएको छ । अघिल्लो दिन यसको मूल्य प्रतितोला १ हजार ७ सय ४० रुपैयाँ कायम थियो ।