एसयूभी एमजी हेक्टरलाई प्रतिष्ठित उपाधि

काठमाडौँ । एमजी मोटर इन्डियाको लोकप्रिय एसयूभी एमजी हेक्टरले भारतमा आफ्नो ५ वर्षको वार्षिकोत्सव मनाएको छ ।

माउन्टेन गोटसँगको सहकार्यमा, एमजी हेक्टरले भारत बुक अफ रेकर्ड्समा ‘सबैभन्दा कम उचाइबाट सबैभन्दा उच्च उचाइसम्मको सडक यात्रा’ शीर्षकमा प्रतिष्ठित उपाधि जितेको कम्पनीले जानकारी दिएको छ ।

यस अभियान २७ जुलाई २०२४ मा दिउँसो १:३० बजे केरलाको कुट्टानाडबाट सुरु भएर, ३० जुलाई २०२४ मा बिहान ८:२८ बजे लद्दाखको उम्लिंग ला मा सम्पन्न भएको थियो ।

यो यात्राले ३,८४६ किलोमिटर कभर गर्दै जम्मा ६६ घण्टा ५८ मिनेटमा सम्पन्न भयो, जसले एमजी हेक्टरलाई यो उपलब्धि हासिल गर्ने सबैभन्दा छिटो एसयूभी बनाएको कम्पनीले जनाएको छ ।

हरेक सडक अवस्था अनुकूल बनाउन डिजाइन गरिएको यस एसयूभीले आफ्नो सुरुवाती वर्षमै २५,००० युनिट बिक्रीको आँकडा पार गरेको र फेब्रुअरी २०२१ सम्ममा ५०,००० युनिटको महत्वपूर्ण उपलब्धि हासिल गरेका जनाएको छ । ५०,००० औं हेक्टर गुजरातको वडोदरा स्थित एमजीको हलोल प्लान्टमा सम्पूर्ण महिलाहरूको टोलीद्वारा निर्माण गरिएको थियो ।

उच्च–शक्ति स्टील, हॉट–स्ट्याम्प गरिएको बी पिलर, बाक्लो ढोका प्यानलहरू, र रोल–फर्म गरिएको ट्युबुलर स्टील ढोकाहरूको साथ निर्माण गरिएको हेक्टरले यात्रुहरूको सुरक्षालाई बढाउने उद्देश्य राखेको कम्पनीको भनाई रहेको छ । यसका प्रमुख सुरक्षा विशेषताहरूमा एयरब्याग, ३६०–डिग्री एचडी क्यामेरा, इलेक्ट्रोनिक स्टेबिलिटी प्रोग्राम (ESP) , ट्र्याक्सन कन्ट्रोल सिस्टम (TCS) , हिल असिस्ट कन्ट्रोल (HAC) , सबै चार पाङ्ग्रामा डिस्क ब्रेक, सबै सिटहरूका लागि ३ प्वाइन्ट सिट बेल्ट, इलेक्ट्रिक पार्किङ ब्रेक(EPB), , र अगाडि पार्किङ सेन्सरहरू छन् । यस एसयूभीमा ट्राफिक जाम असिस्ट (TJA) र अटो टर्न इन्डिकेटर्स जस्ता एडभान्स ड्राइभर असिस्टेन्स सिस्टमहरू (ADAS) पनि छन्, जसले सुरक्षित र आरामदायी ड्राइभिङ अनुभव सुनिश्चित गर्छ ।

कम्पनीका अनुसार एमजी हेक्टरले भारतकै सबैभन्दा ठूलो ३५.५६ सेमी (१४ इन्च) एचडी पोर्ट्रेट इन्फोटेन्मेन्ट प्रणाली नयाँ प्रयोगकर्ता इन्टरफेससहित प्रदान गर्दछ । यसले पहिलो पटक सेग्मेन्टमा डिजिटल ब्लुटुथ® कुञ्जी र कुञ्जी साझा गर्ने सुविधा पनि उपलब्ध गराउँछ । साथै, यसमा १०० भ्वाइस कमान्डहरू र पाँच भारतीय भाषामा नेभिगेशन भ्वाइस मार्गदर्शन सहित ७५ भन्दा बढी कनेक्टेड सुविधाहरू छन् । इनफिनिटीद्वारा सुसज्जित यस एसयूभीको प्रिमियम अडियो प्रणालीले वायरलेस एन्ड्रोइड अटो र एप्पल कारप्लेसहित ३६०-डिग्रीको प्रभावशाली ध्वनि अनुभव प्रदान गर्ने कम्पनीले दाबी गरेको छ ।