युवालाई नेपालमा रोक्न रास्वपाले थाल्यो ‘आत्मनिर्भर नेपाल अभियान’(भिडिओ)

काठमाडौं । राष्ट्रिय स्वतन्त्र पार्टीले ‘आत्मनिर्भर नेपाल अभियान’ शुरु गरेको छ ।

शनिवार पार्टी केन्द्रिय कार्यालयबाट सो अभियान शुरु गरिएको हो । अभियानको शुभारम्भ पार्टी उपसभापति डोलप्रसाद अर्यालले गरे ।

अभियानको शुभारम्भ गर्दै उपसभापति अर्यालले युवा पुस्तालाई नेपालमा रोक्ने प्रयासका लागि यो अभियान थालिएको बताए ।

उनले साना व्यवसायलाई प्रोत्साहन गर्दै स्वदेशमै रोजागरी सिर्जना गर्न पनि अभियानले मद्दत पु¥याउने बताए ।

उनले अभियान पार्टीमा रहेको ३८ वटा विभागमध्ये ५ वटा विभाग मिलेर शुरु गरेको पनि जानकारी दिए ।

उनले रास्वपाले कस्तो राजनीति गरिरहेको छ ? भन्नेकुरा पनि अभियानमार्फत थाहा हुने बताए ।

उनले केन्द्रमा मात्र नभइ यस्ता कार्यक्रम, प्रदेश, जिल्ला र पालिकास्तरमा समेत गर्दै जाने प्रतिवद्धता जनाए ।