कांग्रेस बैठकमा विश्वप्रकाशले भने– देउवा अब प्रधानमन्त्री बन्नु हुँदैन

काठमाडौं । नेपाली कांग्रेसका महामन्त्री विश्वप्रकाश शर्माले सभापति शेरबहादुर देउवाले अब आफू नभएर पार्टीका अन्य नेतालाई प्रधानमन्त्री बनाउनुपर्ने बताएका छन् ।

आइतबार पार्टीको केन्द्रीय समितिको बैठकमा बोल्दै उनले अब प्रधानमन्त्री बन्ने सोच त्याग्न सुझाएका हुन् ।

उनले पार्टीमा अरुपनि अब्बल नेताहरू रहेको बताउँदै उनीहरूलाई प्रधानमन्त्री बनाउनुपर्ने बताए ।

‘एमाले अध्यक्ष केपी ओलीको नेतृत्वको सरकारलाई र उहाँको नेतृत्वलाई सफल बनाउन कांग्रेसले सम्पूर्ण ध्यान लगाउनुपर्छ । तर त्यसपछि सभापति देउवा प्रधानमन्त्री बन्नुहुन्न,’उनले भने, ‘उहाँको समकालीन कोही नेतालाई प्रधानमन्त्री बनाउनुपर्छ ।’

उनले वर्तमान सत्ता गठबन्धन सफल बनाउनुपर्ने बताए ।