सोमबार पनि सस्तियो सुन, कतिमा हुँदैछ किनबेच ?

काठमाडौं । नेपाली बजारमा आज (सोमबार) पनि सुनको मूल्य घटेको छ । सोमबार सुनको भाउ अघिल्लो दिनको तुलनामा तोलामा ३ सय रुपैयाँ घटेको हो ।

नेपाल सुनचाँदी व्यवसायी महासंघका अनुसार यो दिन सुनको भाउ प्रतितोला १ लाख ५२ हजार रुपैयाँ कायम भएको छ । अघिल्लो कारोबार दिन आइतबार छापावाला सुनको मूल्य प्रतितोला १ लाख ५२ हजार ३०० रुपैयाँ थियो ।

यो दिन चाँदीको मूल्य अघिल्लो दिनको तुलनामा २० रुपैयाँ घटेको छ । सोमबार चाँदीको मूल्य प्रतितोला १ हजार ७७५ रुपैयाँमा कारोबार भइरहेको छ ।