जिप दुर्घटनामा ज्यान गुमाएकी उपाध्यक्ष भुपेन्द्राको पशुपति आर्यघाटमा अन्त्येष्टि
मकालु खबर
२०८१ असोज १ गते
काठमाडौं । जिप दुर्घटनामा ज्यान गुमाएकी रुकुम पूर्वको पुथाउत्तरगङ्गा गाउँपालिकाकी उपाध्यक्ष भुपेन्द्रा बुढामगरको पशुपति आर्यघाटमा अन्त्येष्टि गरिएको छ ।
उपाध्यक्ष भुपेन्द्रालाई माओवादी केन्द्रका अध्यक्ष पुष्पकमल दाहाल प्रचण्डले पशुपति आर्यघाटमा अन्तिम श्रद्धाञ्जली अर्पण गरे । उनले उपाध्यक्ष भुपेन्द्रालाई पार्टीको झण्डा ओढाएर अन्तिम बिदाइ गरे ।
उपाध्यक्ष भुपेन्द्रासंगै उनकी आमाको पनि पशुपति आर्यघाटमा अन्त्येष्टि गरिएको छ ।
भदौ २८ गते बागलुङको गलकोट नगरपालिका–२ भुङ्खानीमा भएको जीप दुर्घटनामा उपाध्यक्ष बुढाको निधन भएको थियो ।
उक्त दुर्घटनामा ३३ वर्षीया बुढासँगै उनकी आमा ६१ वर्षीया गोपीमाया बुढाको पनि निधन भएको थियो ।
मकालु खबर
२०८१ असोज १ गते
प्रतिक्रिया
सम्बन्धित