रहेनन् ‘मिस्टर काठमाडौं’ विजेता राई
मकालु खबर २०८१ असोज २ गते
काठमाडौं । ‘मिस्टर काठमाडौं’को उपाधि विजेता प्रकाश राईको मृत्यु भएको छ ।
केही दिनअघि मात्रै उपाधि जितेका प्रकाशको हृदय घातका कारण मृत्यु भएको बताइएको छ ।
पाँचौँ ’मिस्टर काठमाडौं’ शारीरिक सुगठन प्रतियोगिताका विजेता ४५ वर्षीय राईलाई असहज भएपछि बुधवार बिहान ग्रान्डी अस्पताल लगिएको थियो ।
उनको उपचारको क्रममा निधन भएको अस्पताल स्रोतले जनाएको छ । राईले केही दिन अघि ७५ केजीमाथि तौल समूहमा मिस्टर काठमाडौंको उपाधि जितेका थिए ।
मोरङको बेलबारीका राई टिम म्यानेजरसहित होटेलमा बस्दै आएका थिए ।
आफन्त आएपछि थप प्रक्रिया अघि बढ्ने प्रहरीले जनाएको छ ।
मकालु खबर २०८१ असोज २ गते
प्रतिक्रिया
सम्बन्धित
