बैंककमा बसमा आगलागी हुँदा २५ जनाको मृत्यु

एजेन्सी । थाइल्याण्डको राजधानी बैंककमा मङ्गलवार स्कुलका यात्रु बोकेको बसमा आगलागी हुँदा करिब २५ जनाको मृत्यु भएको छ ।

उत्तरी उथाइ थानी प्रान्तको एक विद्यालयका ६ जना शिक्षक र ३८ विद्यार्थीसहित ४४ यात्रु सवार रहेको एकल डेकर बसमा मध्याह्न लगत्तै आगलागी भएको उपप्रधानमन्त्री तथा यातायात मन्त्री सुरिया जुङ्रुङ्ग्रेङकिटले बताए ।

१९ यात्रुलाई उद्धार गरी उपचारका लागि अस्पताल लगिएको सुरियाले बताए । प्रधानमन्त्री पातोङटार्न सिनावात्राले घाइते र मृतकका परिवारप्रति समवेदना प्रकट गर्दै उनीहरूको उपचारको खर्च सरकारले व्यहोर्ने र घटनामा परी ज्यान गुमाएकाहरूलाई क्षतिपूर्ति दिने आश्वासन दिएका छन् ।