घट्यो सुनको मुल्य

काठमाडौं । स्थानीय बजारमा सुनको मूल्य तोलामा रु ५ सयले घटेको छ । नेपाल सुनचाँदी व्यवसायी महासंङ्घका अनुसार आइतबार प्रतितोला रु एक लाख ६१ हजारमा कारोबार भएकामा आजका लागि भने रु एक लाख ६० हजार ५ सय निर्धारण भएको छ ।

यस्तै चाँदीको मूल्य तोलामा रु पाँचले घटेको छ । आइतबार प्रतितोला रु एक हजार ९ सय ८५ मा कारोबार भएको चाँदीको मूल्य आजका लागि भने रु एक हजार ९ सय ८० निर्धारण भएको छ ।