गाजा र लेबनानमा युद्ध रोक्नुपर्ने पक्षमा जोर्डनका राजा

काठमाडौं । जोर्डनका राजा अब्दुल्लाह द्वितीयले गाजा र लेबनानमा इजरायली युद्ध रोक्नको लागि आफ्नो पूर्ण जिम्मेवारी काँधमा लिन अन्तर्राष्ट्रिय समुदायलाई आग्रह गरेका छन् ।

जोर्डनका राजाले अम्मानमा स्पेनका राजा फेलिप छैठौंसँगको भेटमा उक्त टिप्पणी गरेका हुन् । राजाले हिंसा अन्त्य गर्न र क्षेत्रीय एवं विश्वको सुरक्षा र स्थिरताको रक्षा गर्न जोड दिए ।

दुई नेताहरूले गाजामा मानवीय सहायता बढाउन र यसको निरन्तर वितरण सुनिश्चित गर्न पनि छलफल गरेका छन् ।

राजा अब्दुल्लाह द्वितीयले दुई–राज्य समाधान र प्यालेस्टाइन राज्यको मान्यताको लागि स्पेनको समर्थनको प्रशंसा गर्दै क्षेत्रीय स्थिरता पुनःस्थापना गर्न जोर्डनले स्पेनसँग समन्वय गरिरहने कुरामा जोड दिए ।

आफ्नो पक्षको लागि राजा फिलिपले क्षेत्रीय चुनौतीहरूको सामना गर्न जोर्डनलाई आफ्नो देशको समर्थन व्यक्त गरे ।