उपचुनावमा कांग्रेस–एमालेबाहेकका दलसँग गठबन्धन गर्ने माओवादीको तयारी

काठमाडौं । नेकपा माओवादी केन्द्रले उपनिर्वाचनमा गठबन्धन गर्ने तयारी गरेको छ ।

उपनिर्वाचनमा चुनावी गठबन्धनका लागि माओवादीका नेताहरूले अन्य पार्टीसँग छलफल चलाएका छन् ।

मंसिर १६ गते हुने उपनिर्वाचनमा गठबन्धनका लागि तयारी गर्न अन्य दलसँग सहकार्यको पहल गर्न माओवादीले सर्कुलर नै जारी गरेको छ ।

अध्यक्ष पुष्पकमल दाहाल ‘प्रचण्ड’ र महासचिव देव गुरुङले परिपत्र जारी गर्दै कांग्रेस एमालेबाहेक अन्य दलसँग सहकार्यको पहल गर्न पार्टी कमिटीलाई निर्देशन दिएका हुन् ।

प्रचण्डले केही दिन अघि कसैसँग गठबन्धन नगरेर चुनाव लड्ने बताएका थिए । तर, आफ्नै भनाई विपरीत प्रचण्डले गठबन्धनका लागि छलफल गर्न अन्य कमिटीलाई निर्देशन नै दिएका छन् ।