कुलमान घिसिङलाई सरकारले सोध्यो स्पष्टीकरण

काठमाडौँ । सरकारले नेपाल विद्युत् प्राधिकरणका कार्यकारी निर्देशक कुलमान घिसिङलाई स्पष्टीकरण सोधेको छ ।

ऊर्जा, जलस्रोत तथा सिँचाइ मन्त्रालयले घिसिङसँग विगत चार वर्षमा प्राधिकरणबाट भए गरेका सबै काम, सहमति सम्झौता, कर्मचारी र वित्तीय विवरण माग गर्दै स्पष्टीकरण सोधेको हो ।

उर्जामन्त्री मन्त्री दीपक खड्काले घिसिङलाई पत्र काट्दै १५ दिनभित्र स्पष्टीकरण माग गरेका छन् ।

पछिल्लो समय सरकार र विद्युत् प्राधिकरणबिच विवाद भइरहेको छ । सरकारले कार्यकारी निर्देशक घिसिङलाई हटाउन चाहेको चर्चा समेत छ ।