बाबर हायत कर्णाली याक्समा अनुबन्ध

काठमाडौं । हङकङका स्टार ब्याटर बाबर हायत कर्णाली याक्समा अनुबन्ध भएका छन् ।

नेपाल प्रिमियम लिग (एनपीएल)का लागि कर्णालीले बाबरलाई अनुबन्ध गरेको हो ।

आगामी मङ्सिर १५ देखि सुरु हुने एनपीएलका लागि कर्णालीले आफूलाई अनुबन्ध गरेको बाबरले मकालुखबरलाई जानकारी दिए ।

उनले आफू पुरा सिजनका लागि कर्णालीमा अनुबन्ध भएको बताए । उनले नेपालको पिचमा खेल्ने राम्रो अनुभव पाएको र एनपीएलमा पनि आफ्नो उत्कृष्ट प्रदर्शन गर्ने बताए ।

‘म आफ्नो उत्कृष्ट प्रदर्शन गर्न तत्पर छु, मैले नेपालको पिचमा खेल्ने राम्रो अनुभव पाएको छु’, उनले मकालुखबरसँग भने ‘मैले नेपालमा धेरै क्रिकेट खेलेको छु र एनपीएलमा खेल्ने अर्को रोमाञ्चक लिग हुनेछ ।’

बाबरले यसअघि पनि नेपालमा आएर क्रिकेट खेलिसकेका छन् ।

नेपाली राष्ट्रिय टिमका पेस बलर सोमपाल कामी मार्की प्लेअर रहेको कर्णालीको मुख्य प्रशिक्षक राष्ट्रिय टिमका पूर्व कप्तान ज्ञानेन्द्र मल्ल छन् ।