दक्षिण पश्चिम पाकिस्तानमा बम विस्फोट : ४ जनाको मृत्यु, १५ घाइते

एजेन्सी । पाकिस्तानको दक्षिणपश्चिम बलुचिस्तान प्रान्तमा शुक्रवार भएको बम विस्फोटमा परी तीन विद्यालयका बालबालिका र एक प्रहरीसहित चार जनाको मृत्यु भएको छ ।

अन्य १५ जना घाइते भएका छन् । यो घटना प्रान्तको मस्तुङ जिल्लामा भएको हो । जहाँ प्रहरीको गाडीलाई लक्षित गरी बम विस्फोट गराइएको थियो । प्रहरी र विद्यालयका बालबालिका समेत घाइते भएकाहरूलाई नजिकैको अस्पतालमा लगिएको छ ।

आक्रमणबाट प्रहरीको गाडी र स्कुल भ्यानलगायत धेरै सवारीसाधनमा क्षति पुगेको छ । अहिलेसम्म कुनै पनि समूहले आक्रमणको जिम्मेवारी लिएको छैन ।