अफगानिस्तानका १०० जोडीको सामूहिक विवाह

काठमाडौं । उत्तरी अफगानिस्तानको सारी पुल प्रान्तमा शुक्रबार आयोजित सामूहिक विवाह समारोहमा करिब १०० जोडी विवाह बन्धनमा बाँधिएका प्रान्तीय सूचना तथा संस्कृति विभागले शनिबार जानकारी गराएको छ ।

उक्त समारोहमा एक धनाढ्य व्यक्तिले आर्थिक सहयोग गरेका थिए र प्रत्येक नवविवाहित जोडीले करिब ६०० अमेरिकी डलर बराबरको घरायसी उपकरण प्राप्त गरेका थिए ।

बेरोजगारी, आर्थिक सङ्कट, ठूला ठूला उपहारहरूको चर्को मूल्य र महँगा उपहारहरूले गर्दा अक्सर युवाहरू गरिब देशमा आफ्नो विवाह समारोह आयोजना गर्न वर्षौं पर्खन बाध्य हुन्छन् ।

अफगानिस्तानको तालिवान सरकारले मानिसहरूलाई अतार्किक विवाह प्रथाहरू रोक्न र विवाह समारोहमा पैसा बर्बाद नगर्न आह्वान गरेको छ ।