बार्सिलोनालाई शीर्ष स्थानमा ९ अंकको अग्रता

काठमाडौँ । स्पेनिस ला लिगा अन्तर्गत बार्सिलोनाले इस्पोनियललाई पराजित गरेको छ । गएराती सम्पन्न खेलमा बार्सिलोनाले इस्पोनियललाई ३-१ गोल अन्तरले पराजित गरेको हो ।

बार्सिलोनाको जितमा डानी ओल्मोले २ गोल गरेका थिए भने राफिन्हाले एक गोल गरेका थिए । त्यस्तै इस्पोनियलका लागि जाभी पुआडोले एक गोल गरेका थिए ।

लिग तालिकामा बार्सिलोनाको ३३ अंक छ भने एक खेल कम खेलेको रियलको २४ अंक छ । यस्तै एट्लेटिको २३ अंकमा तेस्रो स्थानमा छ । इस्पोनियलको १२ खेलमा १० अंक रहेको छ र लिगमा १७औ स्थानमा रहेको छ ।