बोकाले हानेर भीरबाट लडेकी महिलाको मृत्यु

बैतडी । बैतडीमा बोकाले हानेर भीरबाट लड्दा एक महिलाको मृत्यु भएको छ । जिल्लाको सुर्नया गाउँपालिका वडा नम्बर ३ की ४५ वर्षीया पार्वती भट्टको सोमबार दिउँसो बोकाले हान्दा भीरबाट लडेर मृत्यु भएको जिल्ला प्रहरी कार्यालय बैतडीका प्रहरी नायव उपरीक्षक(डिएसपी) मकेन्द्र कुमार मिश्रले मकालुखबरलाई बताए ।

सोमबार दिउँसो खर काट्न गएकी भट्टलाई एक्कासी बोकाले पछाडिबाट हानेको थियो ।