राष्ट्रपति पौडेलले दिए डोनाल्ड ट्रम्पलाई बधाई

काठमाडौं । राष्ट्रपति रामचन्द्र पौडेलले डोनाल्ड ट्रम्पलाई बधाई दिएका छन् ।

अमेरिकी राष्ट्रपति निर्वाचित भएपछि पौडेलले ट्रम्पलाई बधाई दिएका हुन् ।

राष्ट्रपति पौडेलले बुधवार सामाजिक सञ्जाल एक्समार्फत ट्रम्पलाई बधाई दिए ।

राष्ट्रपति पौडेलले ट्रम्पको कार्यकालमा नेपाल–अमेरिकाबिचको सम्बन्ध थप सुदृढ हुने विश्वास लिएको बताएका छन् ।

‘राष्ट्रपतिमा निर्वाचित डोनाल्ड ट्रम्पलाई ऐतिहासिक जितका लागि बधाई,’ उनले लेखेका छन्, ‘अमेरिकाको राष्ट्रपतिमा दोस्रो कार्यकालको सफलताको शुभकामना । तपाईँको कार्यकालमा नेपाल–अमेरिकाबिचको सम्बन्ध थप सुदृढ हुनेमा विश्वस्त छु ।’