रास्वपा स्थापित भएन भने २० वर्ष युवा पुस्ता राजनीतिमा आउँदैन : डिपी अर्याल

काठमाडौं । राष्ट्रिय स्वतन्त्र पार्टी (रास्वपा)का उपसभापति डिपी अर्यालले रास्वपा स्थापित हुनुपर्ने बताएका छन् । उनले प्रहरी हिरासतमा रहेका पार्टी सभापति रवि लामिछानेसंगको भेटपछि सोमबार पत्रकारहरुसंग कुरा गर्दै यस्तो बताएका हुन् ।

उनले भने,‘रास्वपा स्थापित भएन भने २० वर्ष युवा पुस्ता राजनीतिमा आउँदैन,यो कुरा तपाई हामीले बुझ्नुपर्छ ।’ उनले युवालाई राजनीतिमा आउन नदिने सरकारले षड्यन्त्र गरिरहेको समेत बताए ।

उनले पार्टी सभापति जनताको आशा बोकेर आएको व्यक्ति भएको बताए । उनले आफुहरुका लागि कार्यवाहक सभापति गौण कुरा रहेको बताए । दोस्रो चरणको आन्दोलनबारे बुधवारको पत्रकार सम्मेलनमा जानकारी दिइने बताए ।