झाँक्री भुजेलको कारले ठक्कर दिँदा नारायणको ज्यान गयो,श्रीमतीको अवस्था गम्भिर

काठमाडौं । झाँक्री प्रकाश भुजेलको गाडीले ठक्कर दिँदा नारायण नगरकोटीको मृत्यु भएको छ । बुधवार झाँक्री प्रकाश भुजेलको गाडीले ठक्कर दिँदा कागेश्वरी मनोहरा २ आलापोट बस्ने ३८ वर्षीय नगरकोटीको मृत्यु भएको हो ।

दुर्घटनामा उनलाई टाउको, पेट र घुँडामा गम्भीर चोट लागेको थियो । दुर्घटनामा नगरकोटीकी पत्नी ३२ वर्षीया सानुमाया नगरकोटी गम्भीर घाइते भएकी छन् । उनको भेन्टिलेटरमा राखेर उपचार भइरहरेको छ ।

काठमाडौंको शंखरापुरमा मोटरसाइकललाई ठक्कर दिने कार चालक भुजेलले भने प्रहरी समक्ष आत्मसमर्पण गरेका छन् । बौद्ध बस्ने झाँक्री प्रकाश भुजेलले प्रहरी वृत बौद्धमा आत्मसमर्पण गरेको काठमाडौं उपत्यका प्रहरी कार्यालयले जनाएको छ ।

दिउँसो साढे २ बजेतिर शंखरापुरको इन्द्रायणी पुल नजिकै बा १९ च २६९५ नम्बरको कारले मोटरसाइकललाई ठक्कर दिएको थियो ।