गोकर्णेश्वरमा हराइरहेका भनिएका आमा र दुई छोराछोरी मृत भेटिए

काठमाडौं । काठमाडौंको गोकर्णेश्वर-३ कुमारी गाम्छामा आमासहित दुई छोराछोरी मृत भेटिएको प्रहरीले जनाएको छ ।

प्रहरीका अनुसार बिहीबार अपराह्न ३ बजे गोकर्णेश्वर-३ कुमारी गाम्छामा बस्ने ४९ वर्षका कान्छा नगरकोटीले यही महिनाको १६ गतेदेखि आफ्नी श्रीमति, एक छोरा र एक छोरी हराइरहेको भनी खोजतलासको लागि निवेदन दिएका थिए ।

प्रहरी वृत बौद्वमा परेको सोही निवेदनको आधारमा खोजी गर्न खटिएको टोलीले नगरकोटीकै घरको कोठाभित्र उनकी श्रीमती ३३ वर्षीया सीता दंगाल (नगरकोटी), छोरी वर्ष १५ की अंशु मोक्तान र दुई महिनाको छोरा मृत अवस्थामा भेटाएको हो ।

प्रहरीले घटनाको थप अनुसन्धान गरिरहेको जानकारी दिएको छ ।