प्रधानमन्त्री ओलीले बोलाए मन्त्रिपरिषद् बैठक

काठमाडौँ । प्रधानमन्त्री केपी शर्मा ओलीले मन्त्रिपरिषद् बैठक बोलाएका छन् ।

बैठक अपराह्न ४ बजे सिंहदरबारस्थित प्रधानमन्त्री तथा मन्त्रिपरिषद्को कार्यालयमा बस्ने छ ।

बैठकमा प्रधानमन्त्री केपी शर्मा ओलीको चीन भ्रमणका विषयमा छलफल हुने बताइएको छ ।

आजकै बैठकबाट प्रधानमन्त्री ओलीको चीन भ्रमणलाई स्वीकृत गर्न सक्ने प्रधानमन्त्रीको सचिवालयले बतायो । प्रधानमन्त्री ओली यही मङ्सिर १७ गते चीन भ्रमणमा जाने तयारी छ ।

यस्तै, बैठकमा मन्त्रालयगत तथा सरकारका नियमित कामकारबाहीबारे पनि छलफल र निर्णय हुने बताइएको छ ।

आजको बैठक मन्त्रीपरिषद्को नियमित बैठक हो ।