भारतका स्थल सेनाध्यक्ष जनरल द्विवेदीद्वारा मुक्तिनाथमा पूजाअर्चना

काठमाडौं । नेपालको औपचारिक भ्रमणमा रहेएका भारतका स्थल सेनाध्यक्ष जनरल उपेन्द्र द्विवेदीले शनिवार मुस्ताङ जिल्लास्थित मुक्तिनाथ मन्दिरको भ्रमण गरेका छन् ।

सो अवसरमा उनले मुक्तिनाथ मन्दिरमा पूजाअर्चनासहित दर्शन गर्नुभएको सैनिक जनसम्पर्क तथा सूचना निर्देशनालयले जनाएको छ । नेपाल र भारतका हिन्दू एवं बौद्ध धर्मावलम्बीले मुक्तिनाथको पूजा, आराधना एवं दर्शन गर्ने गरेका छन् । प्रत्येक वर्ष हजारौँ भारतीय दर्शनार्थी मुक्तिनाथको दर्शनका लागि आउने गरेका छन् ।

आजै, भारतीय स्थल सेनाध्यक्ष जनरल द्विवेदीले पोखरास्थित श्री पश्चिम पृतना मुख्यालयको भ्रमण गरेका छन् । उनलाई पृतनापति उपरथी सन्तोष बल्लभ पौडेलले पश्चिम पृतनामा स्वागत गरेको थियो ।

नेपाली सेनाको निमन्त्रणामा उहाँ बुधबार नेपाल भ्रमणमा आएका हुन् । बिहीबार उनलाई राष्ट्रपति रामचन्द्र पौडेलबाट मानार्थ महारथीबाट सुशोभित गरेका थिए ।

प्रतिक्रिया

Leave a Reply

Your email address will not be published. Required fields are marked *