दुर्गा प्रसाईँलाई अदालतमा उपस्थित गराउन आदेश

काठमाडौं । सर्वोच्च अदालतले थुनामा रहेका दुर्गा प्रसाईँलाई अदालतमा उपस्थित गराउन आदेश दिएको छ ।

साइबर अपराध मुद्दामा थुनामा रहेका प्रसाईँलाई अदालतमा उपस्थित गराउन आदेश दिएको हो ।

उनका छोरा नीराजन प्रसाईँले गैर कानुनी थुनामा राखिएको भन्दै बन्दी प्रत्यक्षीकरण रिट दायर गरेका थिए ।

न्यायाधीश मनोजकुमार शर्माको इजलासले बन्दी प्रत्यक्षीकरण रिटमा सरकारको नाममा कारण देखाऊ आदेश जारी गर्दै बन्दीसहित अदालतमा उपस्थित हुन भनेको हो ।

प्रधानमन्त्री केपी शर्मा ओलीविरुद्ध भ्रामक सामग्री सार्वजनिक गरेको भन्दै उनलाई नेपाल प्रहरीको केन्द्रीय अनुसन्धान ब्युरो (सीआईबी)ले पक्राउ गरेको थियो ।

प्रसाईँ गत मङ्गलवार भक्तपुरस्थित आफ्नो निवासबाटै पक्राउ परेका थिए । उनीमाथि साइवर अपराधसहित विभिन्न मुद्दामा अनुसन्धान भइरहेको छ ।