ट्रकले ४ वटा गाडीलाई ठक्कर दिँदा २ जना घाइते

काठमाडौं । ललितपुर महानगरपालिका–२ स्थित सानेपामा भारतीय नम्बरको ट्रकले चार वटा गाडीलाई ठक्कर दिँदा दुईजना घाइते भएका छन् ।

भारतीय नम्बर युपी–४० टि–८१६२ ले ट्रकले सुरुमा बागमती–बिएए–५१४० नम्बरको निजी कारलाई ठक्कर दिएको थियो । सो कारको पछाडि सिटमा सवार दुईजना घाइते भएका छन् ।

त्यसपछि सो गाडी एकान्तकुनाबाट बल्खु जाँदै गरेका बा.२ ज २६१ नम्बरको ट्याक्सी, बा २० च ४२६२ नम्बरको कार, र बा९च ९३०३ नम्बरको निजी कारमा ठोक्किएको थियो ।

दुर्घटना गराउने ट्रकका चालक र सहचालकलाई पक्राउ गरिएको जिल्ला प्रहरी परिसर ललितपुरले जनाएको छ । घाइतेहरूको स्टार अस्पताल र बिएण्डबीमा उपचार भइरहेको छ भने घटनाबारे प्रहरीले थप अनुसन्धान गरिरहेको छ ।