एनपिएलको टिकट दर सार्वजनिक,खल्ती एपमार्फत खरिद गर्न सकिने

काठमडौं । नेपाल प्रिमियर लिग (एनपिएल) का खेल हेर्नका लागि टिकट दर सार्वजनिक गरिएको छ । नेपाल क्रिकेट संघ क्यानले सोमबार एनपिएल) का खेल हेर्न इच्छुक दर्शकका लागि टिकटदर सार्वजनिक गरेको हो ।

सार्वजनिक तालिकाअनुसार उद्धघाटन दिनको खेलमा सामान्यका लागि ३ सय र भिआइपीका लागि ७ सय तोकिएको छ । लिग खेलका लागि सामान्यतर्फ ३ सय र भिआइपीका लागि ५ सय रुपैयाँ तोकिएको छ ।

यस्तै प्लेअफका खेल हुने दिन सामान्यतर्फ ५ सय र भिआइपी तर्फका लागि ५ सय र फाइनलका लागि सामान्यतर्फ ५ सय र भिआइपीतर्फ एक हजार टिकट दर तोकिएको छ ।

सिजनल पासका लागि सामान्यतर्फ ४ हजार ४८० र भिआइपीतर्फका लागि ८ हजार २४० रुपैयाँ तोकिएको छ । खल्ती एप मार्फत टिकट खरिद गर्न सकिने क्यानले जनाएको छ ।

आज राति ८ बजेदेखि टिकट खुला गरिएको क्यानले जनाएको छ । यही मंसिर १५ गतेदेखी एनपिएल सञ्चालन हुँदैछ ।