रियल म्याड्रिडलाई हराउँदै लिभरपुल च्याम्पियन्स लिगको शीर्ष स्थानमा

काठमाडौँ । लिभरपुलले युइएफए च्याम्पियन्स लिग अन्तर्गत रियल म्याड्रिडलाई पराजित गरेको छ । गएराती सम्पन्न खेलमा आफ्नै घरेलु मैदान एनफिल्डमा लिभरपुलले रियल म्याड्रिडलाई २-० गोल अन्तरले पराजित गरेको हो ।

लिभरपुलको जितमा एलेक्सिस म्याक अलेस्टर र कोडी गाक्पोले एक एक गोल गरेका हुन् । यो जितपछि लिभरपुल च्याम्पियन्स लिगको शिर्ष स्थानमा उक्लिएको छ । लिभरपुलको ५ खेलमा सबै खेल जितेर १५ अंक रहेको छ ।

रियल म्याड्रिडको भने यस सिजनको च्याम्पियन्स लिगमा यो तेस्रो हार हो । ५ खेलमा ६ अंक रहेको रियल म्याड्रिड २४औं स्थानमा रहेको छ ।

अन्य खेलमा बोरुसिया डर्टमुन्डले डायनामो जागरेभलाई ३-० ले हरायो र अंक तालिकाको चौथो स्थानमा उक्लिन सफल रह्यो । डर्टमुन्डको १२ अंक भएको छ ।

बेनफिकाले मोनाकोलाई ३-२, लिलले बोलोग्नालाई २-१, पीएसभी आयनहोभनले साख्तर डोनेस्कलाई ३-२, एफके क्राभेनाले स्टुटगार्टलाई ५-१ तथा स्ट्रम ग्राजले जिरोनालाई १-० ले हरायो । एस्टन भिल्ला र युभेन्ट्सले ०-० तथा सेल्टिक र क्लब ब्रुगले १-१ को बराबरी खेले ।