रामेछाप दुर्घटना अपडेट : थप एक मृतकको सनाखत

रामेछाप । रामेछापमा जिप दुर्घटना हुँदा मृत्यु भएका पाँच जनामध्ये थप एक जनाको सनाखत भएको छ । मृत्यु हुनेमा दुई पुरुष,दुई महिला र एक बालक रहेका छन् ।

काठमाडौंबाट बेतालीतर्फ आउँदै गरको ना१ज ७१२३ नम्बरको जिप आज दिउँसो गोकुलगङ्गा गाउँपालिका–६ फर्पुमा दुर्घटना हुँदा जिप चालक सिन्धुलीका ३० वर्षीय हिराबहादुर कार्कीको पनि मृत्यु भएको छ ।

यस्तै गोकुलगङ्गा–४ बेतालीका वडाध्यक्ष ४५ वर्षीय रामचन्द्र बस्नेतको पनि मृत्यु भएको प्रहरी नायव उपरीक्षक प्रदीपकुमार सिंहले जानकारी दिए । मृतक अन्य तीनजनाको सनाखत हुन सकेको छैन ।

दुर्घटनामा घाइते तीनै जनालाई उपचारका लागि काठमाडौं पठाउने तयारी भइरहेको प्रहरीले जनाएको छ ।