भासु भिरबाट ट्रक खस्यो, विस्तृत विवरण आउन बाँकी

काठमाडौं । कैलालीमा ट्रक दुर्घटना भएको छ । शनिबार बिहान पौने ५ बजे कैलालीको चुरे गाउँपालिका-५ भासु भिरबाट सु.प्र ००१ ख २५७६ नम्बरको मिनी ट्रक खसेको हो ।

जिल्ला प्रहरी कार्यालय कैलालीका अनुसार ट्रक भीरबाट करिब ७ सय मिटर तल खसेको अवस्थामा फेला परेको छ । ट्रक कहाँ जाँदै थियो भन्ने खुलेको छैन भने त्यसमा को-को सवार थिए भन्ने पनि नखुलेको प्रहरीले जनाएको छ।