पुथाउत्तरगंगाको उपाध्यक्षमा माओवादीकी बुढा निर्वाचित

काठमाडौं । रुकुमपूर्वको पुथाउत्तरगंगा गाउँपालिकाको उपाध्यक्षमा माओवादी केन्द्रकी नरपुरा बुढा निर्वाचित भएकी छन् ।

यहाँ कांग्रेस र एमालेबीच गठबन्धन भएको थियो । कांग्रेसको चुनाव चिन्हमा लडेकी एमालेकी केशकुमारी तुलाचनलाई पराजित गर्दै बुढा उपाध्यक्षमा निर्वाचित भएकी हुन् ।

उपाध्यक्षमा निर्वाचित बुढाले ३ हजार ६ सय २७ मत ल्याउँदा तुलाचनले २ हजार १ सय २८ मत ल्याइन् । २०७९ मा पुथा उत्तरगंगाको अध्यक्ष र उपाध्यक्ष दुवै माओवादी केन्द्रले जितेको थियो।