भुटानी नरेशले गरे बौद्धनाथको दर्शन (तस्बिरहरू)
मकालु खबर
काठमाडौं । भुटानी नरेश जिग्मे खेसर नाम्गेल वाङचुकले बौद्ध क्षेत्रको अवलोकनसहित बौद्धनाथको दर्शन गरेका छन् ।
आजै काठमाडौं आएका भुटानी नरेशले बौद्धनाथ दर्शन गरेका हुन् । उनले बौद्धनाथ क्षेत्रको दृश्यावलोकन पनि गरे ।
उनले त्यसअघि स्वयम्भूनाथको पनि दर्शन गरेका थिए ।
यसअघि स्वयम्भू व्यवस्थापन तथा संरक्षण महासमितिका पदाधिकारीले स्वयम्भूनाथ परिसरमा भुटानी नरेशलाई स्वागत गरेका थिए । करिब आधा घण्टा त्यहाँ रहेका भुटानी नरेशले स्वयम्भूनाथ परिसरबाट काठमाडौँ उपत्यकाको दृश्यावलोकन गरे ।
आज बिहान नेपाल आइपुगेका भुटानी नरेशको स्वयम्भूनाथ दर्शनपछि बौद्धनाथ दर्शन गरेका हुन् । भारतबाट स्वदेश फर्कने क्रममा काठमाडौँ आएका भुटानी नरेश आजै स्वदेश फर्कने परराष्ट्र मन्त्रालयले जनाएको छ ।
सोही अनुसार उनी आज बौद्धनाथको दर्शन एवम् अवलोकन गरी उतैबाट एयरपोर्ट लागेका छन् ।
हेर्नुहोस् तस्बिरहरू :
मकालु खबर
