रियल म्याड्रिडले अटलान्टालाई हरायो, बार्यन र लिभरपुल पनि विजयी

काठमाडौं । साविक विजेता रियल म्याड्रिड, बार्यन म्युनिख, लिभरपुलले च्याम्पियन्सिप लिगमा मंगलवार जित निकालेका छन् । गएराती सम्पन्न खेलमा रियल म्याड्रिडले एटलान्टालाई ३-२ गोल अन्तरले पराजित गरेको हो ।

रियल म्याड्रिडको जितमा किलीयन एम्बाप्पे, भिनिसियस जुनियर र जुड़े बेलिङघमले एक एक गोल गरेका थिए । एटलान्टाका लागि चार्लेज डी केटेलारेरे र एड्मोला लुकम्यानले एक एक गोल गरेका थिए ।

अर्को खेलमा बायर्नले शख्तर डोनेटस्कलाई ५-१ गोल अन्तरले पराजित गर्‍यो । बायर्नको जितमा माइकल ओलीसले २ गोल गरेका थिए भने कोनार्ड लाइमर, थोमस मुलर र जमाल मुसियालाले एक एक गोल गरेका थिए । त्यसैगरी शख्तर डोनेटस्कका केभिनले एक गोल गरेका थिए ।

यता लिभरपुलले स्पेनिस क्लब जिरोनालाई १-० गोलले पराजित गर्दै आफ्नो अपराजित यात्रा कायम राखेको छ । लिभरपुलको जितमा लिभरपुलका लागि मोहमद सलाहले खेलको ६३औ मिनेटमा गरेको गोल नै खेलको निर्णायक गोल बनेको थियो ।