नेपालले बङ्गलादेशलाई दियो ५५ रनको सामान्य लक्ष्य
मकालु खबर २०८१ पुस ५ गते
काठमाडौं । एसिसी यु– १९ महिला एसिया कप क्रिकेटअन्तर्गत सुपर चारको आफ्नो दोस्रो खेलमा नेपालले बङ्गलादेशलाई ५५ रनको लक्ष्य दिएको छ ।
टस हारेर पहिले ब्याटिङको निम्तो पाएको नेपालले निर्धारित ११ ओभरमा ८ विकेट गुमाउँदै ५४ रन जोड्यो ।
नेपालका लागि सावित्री धामीले सर्वाधिक ११ रन जोडिन् । कप्तान पूजा महतोले ९ रन बनाउँदा एलिशा कुमारी यादवले ८ रन थपिन् ।
साना प्रवीण र तिरसाना विश्वकर्माले समान ४–४ रन बनाइन् ।
सीमाना केसी र कुसुम गोदारले समान ३–३ रनको योगदान दिइन् । सोनी पाख्रिनले २ रन बनाउँदा ज्योत्स्निका मरासिनीले ५ रन बटुलिन् ।
बलिङमा भने बङ्गलादेशकी फरजाना इसमिन, अनीसा अख्तर सोबा, फाहोमिदा चोया र हबिबा इस्लामले समान १–१ विकेट लिइन् ।
मकालु खबर २०८१ पुस ५ गते
प्रतिक्रिया
सम्बन्धित
