फाइनलमा जनकपुरले पायो १ सय ८५ रनको बलियो लक्ष्य

काठमाडौं । सिद्धार्थ बैंक नेपाल प्रिमियर लिग(एनपिएल)को फाइनलमा सुदूरपश्चिम रोयल्सले जनकपुर बोल्ट्सलाई १ सय ८५ रनको लक्ष्य दिएको छ ।

टस जितेर पहिले ब्याटिङ गरेको सुदूरपश्चिम रोयल्सले निर्धारित २० ओभरमा ९ विकेट गुमाउँदै १ सय ८४ रन बनायो ।

सुदूरपश्चिमका लागि ओपनर सैफ जैब अर्ध शतक बनाए । उनले ४३ बलमा ६९ रन बनाए ।

अर्का ओपनर विनोद भण्डारीले ४१ रनको योगदान दिए । भण्डारीले ३१ बलमा ४१ रन बनाए । हरमित सिंहले १४ रन बनाए ।

उनले ८ बलमा १४ रन जोडे । ब्रेन्डन मक्मेलनले पनि १४ रनको रनको योगदान दिए । उनले १२ बलमा १४ रन जोडे ।

कप्तान दिपेन्द्र सिंह ऐरीले ९ रन जोड्दा स्कट कुग्गेलिजनले १३ रन जोडे । आरिफ शेख १ रनमा बाउट भए ।

इशान पाण्डेले ६ रनको योगदान दिए भने नरेश बुढायरले ८ रन जोडे । नरेन साउद १ रनमा नट आउट रहे ।

बलिङमा भने जनकपुरका किशोर महतो र मोहम्मद मोहसिनले समान ३–३ विकेट लिए ।

जेम्स निशाम र ललित राजवंशीले सामन १–१ विकेट लिए ।