टर्कीले न्यूनतम ज्याला ३० प्रतिशतले बढायो

काठमाडौं । टर्कीका राष्ट्रपति रेसेप तैयप एर्दोगानले मंगलबार सन् २०२५ का लागि न्यूनतम ज्यालामा ३० प्रतिशत वृद्धि गरी २२ हजार १०४ लिरा (लगभग ६३० अमेरिकी डलर) पुर्‍याएको घोषणा गरेका छन् । न्यूनतम पारिश्रमिक निर्धारण आयोगको अंकारामा भएको चौथो बैठकपछि यो घोषणा गरिएको हो ।

श्रम तथा सामाजिक सुरक्षामन्त्री वेदात इसिखानले यो वृद्धिले श्रमिकको हितमा वृद्धि हुने र देशको आर्थिक स्थायित्वलाई मजबुत बनाउने विश्वास व्यक्त गरे । यद्यपि, टर्की कन्फेडेरेसन अफ ट्रेड युनियन (टर्क–आईएस)ले तलब प्रस्तावको बारेमा पूर्वसूचनाको अभावको कारण बैठकमा उपस्थित नहुने निर्णय गरेको छ ।

टर्क–आईएसका अध्यक्ष एर्गुन अतालेले यसअघि ४५ प्रतिशत वृद्धि र २० प्रतिशत सामाजिक हिस्सासहित २९ हजार ५८३ लिरा (लगभग ८४५ डलर)को खुद ज्यालाको मागलाई रूपरेखा दिएका थिए । युनियनले यो संख्याभन्दा कम कुनै पनि निर्णयलाई अनुमोदन नगर्ने दोहोर्‍याएका थिए । २०२४ को लागि न्यूनतम ज्याला १७ हजार दुई लिरामा सेट गरिएको थियो ।

यसैबीच टर्कीको वार्षिक मुद्रास्फीति दर नोभेम्बरमा ४७.०९ प्रतिशतमा झरेको छ । जुन २०२३ को जुनयताकै न्यून स्तर हो ।