कान्तिपुरले ‘साताअघि नै भारतको दबावमूलक पत्र’ शीर्षक दिएर तरकारीको विषादी परीक्षण रोक्न भारतीय दूतावासले दिएको दबावबारे मुख्य समाचार बनाएको छ । भक्तपुर मालपोतका कार्यालय प्रमुख छँदा सुधीरकुमार शाह र गृह मन्त्रालयमा रहेका गेहनाथ भण्डारीले ४ रोपनी २ पैसा जग्गा पत्नीहरुको नाममा गराएको अर्को खबर पनि कान्तिपुरमा छ ।

अन्नपूर्ण पोस्ट दैनिक पनि बढ्दो विषादीको प्रयोगकै विषयमा केन्द्रित छ । ‘विकराल बन्दै विषादी’ शीर्षक समाचारमा अन्नपूर्णले लेखेको छ– तरकारी र फलफूलको गुणस्तर परीक्षण नगरी खाँदा नागरिकको स्वास्थय जोखिममा पर्ने चिन्ता चिकित्सकले गरेका छन् । विषादीयुक्त सागसब्जी र फलफूल निर्वाध रुपमा आयात गर्न आयात गर्न दिने निर्णय जनस्वास्थ्यका दृष्टिले अपराधजन्य भएको दाबी उनीहरुको छ ।

गोरखापत्रले विश्वविद्यालयमा दलीय भागबन्डा अन्त्य गर्न विज्ञले दिएको सुझावलाई प्रमुख समाचार बनाएको छ भने राजधानीले राज्यकोषको २४ अर्ब रुपैयाँ पेश्की लिएर बेपत्ता ठेकेदारमाथि अख्तियारले छानबिन थालेको लेखेको छ ।

नागरिक दैनिकले चालू खर्चमा भइरहेको दोहनमाथि मुख्य समाचार बनाएको नेकपाको राजनीतिक प्रतिवेदनबारे चर्चा गरेको छ । नागरिकका अनुसार नेकपाले तयार पारेको राजनीतिक दस्तावेजबाट साम्यवाद हटाइएको छ । र, समाजवाद उन्मुख राज्य व्यवस्थाको कल्पना गरेको छ ।