थप ९ जनामा कोरोना पुष्टि, संक्रमितको संख्या ४५३ पुग्यो
मकालु खबर
२०७७ जेठ ८ गते
काठमाडौं । नेपालमा कोरोना संक्रमितको संख्या ४५३ पुगेको छ । आज दिउँसो थप ९ जनामा संक्रमण पुष्टि भएसँगै संक्रमितको संख्या ४५३ पुगेको स्वास्थ्य तथा जनसंख्या मन्त्रालयले जनाएको छ ।
मन्त्रालयका प्रवक्ता डा. विकास देवकोटाका अनुसार रूपन्देहीमा एक जना र झापामा ८ जना संक्रमित थपिएका हुन् । रुपन्देहीमा एक जना २७ वर्षीय पुरुष जो श्रीलंकन गेष्ट हाउसको क्वारेन्टाइन लुम्बिनीमा छन् ।
त्यस्तै झापामा १७ वर्षीय, १८ वर्षीय दुई जना, २० वर्षीय २ जना र २३, ५२ र ५५ वर्षीय गरी ८ जना संक्रमित थपिएका छन् । ती ८ जना झापाकाे कचनकवलस्थित लक्ष्मी देवकाेटा माविकाे क्वारेन्टाइनमा रहेकाे प्रवक्ता देवकाेटाकाे भनाइ छ ।
त्यस्तै आजै टेकु अस्पतालमा उपचाररत ४ जना डिस्चार्ज भएको पनि उनले जानकारी दिए । योसँगै संक्रमणमुक्त हुनेको संख्या ४९ पुगेको छ ।
मकालु खबर
२०७७ जेठ ८ गते
प्रतिक्रिया
सम्बन्धित