मकालु खबर
ताजा, शुलभ, निष्पक्ष

एक पत्थरबाट रातारात करोडपति बने यी व्यक्ति 

तान्जिनियाको एक सानो खानीमा काम गर्ने कामदारले केवल आफ्नो जिन्दगीको मात्रै होइन पुरै देशको लागि सबैभन्दा ठुलो खोज गरेका छन् । त्यहाँका नागरिक सैनीनियु लाइजरले ठुलो कच्चा तान्जनाइट पत्थर फेला पारेका हुन् । यसको कुल तौल १५ किलो छ ।

यो पत्थर पृत्वीमा पाइने एक बहुमूल्य दुर्लभ पत्थर हो । यो खाजेबाट उनलाई ३४ लाख डलर अर्थात् करिब २५ करोड रुपैयाँ रकम मिलेको बीबीसीले जनाएको छ । देशको उत्खनन् मन्त्रालयबाट यति धेरै रकम पाएपछि उनी रातारात करोडपछि बने ।

केवल उत्तरी तान्जानियामा पाइने तान्जानाइट बहुमूल्य ज्वेलरीका लागि प्रयोग गरिने एक प्रसिद्ध रत्न हो । यसको प्रयोग  प्रयोग औंठी, ब्रासलेट, नेकलेस लगायतमा गरिन्छ ।  यसबाट अन्य विभिन्न किसिमका आभूषण पनि बनाइन्छ ।

यो पृथ्वीमा पाइने दुर्लभ रत्नमा पर्छ । एक स्थानीय जियोलोजिष्टको अनुमान अनुसार अबको २० वर्षमा पूर्ण रुपमा यसको आपूर्तिको अन्त्य हुनेछ । हरियो, रातो र निलो लगायत विविध रंग यसको मुख्य आकर्षण हो । यसको मूल्य दुर्लभ भएकै कारण बढेको हो । जति धेरै रंग र स्पष्टता हुन्छ यो त्यति नै महंगो हुन्छ ।

लाइजरले पछिल्लो हप्ता ९.२ किलो र ५.८ किलो वजनको यो पत्थर उत्खननका क्रममा निकालेका थिए । तर बुधबार मान्यारामा भएको एक कार्यक्रममा उनले बेचिदिए । उनलाई राष्ट्रपति जान मेगुफुलीले समेत फोन गरेर धन्यवाद दिएका छन् । योभन्दा अघि उत्खनन् गरिएको तान्जानाइट पत्थर ३.३ किलोको थियो ।

५२ वर्षका लाइजरका ४ पत्नी छन् । उनी उत्खननबाट प्राप्त पैसा आफ्नो समुदायमा लगानी गर्ने उनको योजना छन् । उनी भन्छन्– ‘एक सपिङ्ग मल र स्कूल बनाउन चाहन्छु । यो म आफ्नो घर नजिकै बनाउन चाहन्छु । यहाँ धेरै गरिब मानिसहरु छन् जो आफ्नो बच्चालाई स्कुल पढाउन सक्दैनन् ।’

प्रतिकृयाहरु
Loading...