‘श्री ३ शैलीको सामन्ती प्रवृत्तिका कारण ओलीको विरोध’

३. ठिक कुरामा जनता र दलहरुले तपाईँलाई सधै साथ दिएका छन् । तपाईँले भद्र भलादमी प्रतिपक्ष पाउनु भएको छ, जो तपाईँको हत्तपत्ति विरोध गर्दैनन् । नयाँ नक्साको बारेमा तपाईँको पार्टी र अन्य सबै पार्टी तथा आम नेपाली जनताले तपाईँलाई साथ दिएका छन् । विचार गर्नुस्: कुनै विदेशीको मुख हेरेको भए यो एकता सम्भव हुने थिएन र संसदबाट सिमाना सम्बन्धि प्रस्ताव निर्बिरोध पारित हुने थिएन । यो देख्दा देख्दै अरुलाई विदेशीबाट संचालित भन्नु तपाईँ बाहेक अरु कोहि नेपालमा देशभक्त छैनन् भन्नु हो । यो भनाइले तपाईँ सबै नेपाली जनताको अपमान गर्दै हुनुहुन्छ । आफू बाहेक अरु सबैलाई विदेशीबाट संचालित छन् भन्ने दृष्टिकोण तपाईँको कमजाेर र हतास मनस्थिति को परिचायक हो ।

४. तपाईँको विरोध तपाईँको श्री ३ शैलीको अधिनायकवादी र सर्बसत्तावादी संस्कार,  भ्रष्टाचारलाई राजनीतिको प्रमुख अंग सम्झने प्रवृत्ति र आफ्ना भारदारहरुलाई देश जति लुटे पनि लुट्न छुट दिने तपाईँको नव सामन्ती प्रवृत्तिको कारणले हो ।

प्रजातन्त्रको नाममा आज को नयाँ पिढीले तपाईँको भारदारी सासन स्वीकार गर्दैनन् । यदि म गलत हुँ भने तपाईँले ओम्नी काण्ड,  यति जग्गा काण्ड,  वाइडबडी जहाज कमिसन काण्ड, न्यारो बडी हवाई जहाज काण्ड, सुन काण्ड, एनसेल काण्ड जस्ता अनैकाैँकाे न्यायिक छानबिन गर्ने घाेषणा गर्नुस् । साथै सबै दलका नेताहरुको सम्पत्ति छानबिन गर्न अधिकार सम्पन्न आयोग गठन गर्ने हिम्मत गर्नुस् । तर यो दुई वर्षमा सबैले देखिसके तपाईँ यो नवसामन्तवादमा अडेको । ‘नौलो बहुदलिय भारदारी जनबाद’ अन्त गर्ने नैतिक हिम्मत तपाईँमा छैन । त्यसैकारण तपाईँका शुभचिन्तकहरु पनि तपाईँबाट देश चल्दैन भन्ने निचोडमा पुगेका हुन् ।